Төсөв санхүү

Дорноговь аймаг орон нутгийн төсвийн хувьд 2003 оноос бие даан өөрөө өөрийгөө санхүүжүүлж ирсэн ба төсвийн зарлагаас давсан орлогоо улсын төсөвт төвлөрүүдэг цөөхөн аймгийн нэг юм. Тус аймаг 2004 онд 111.7 сая төг, 2005 онд 209.6 сая төг, 2006 онд 445.8 сая төг, 2007 онд 668.5 сая төг, 2008 онд 1412.4 сая төг, 2009 онд 3779.9 2010 онд 3300.6 сая төг , 2011 онд 2546.1 сая төгрөгийн зарлагаас давсан орлогыг улсын төсөвт төвлөрүүлжээ.

Зураг 1. Тус аймгаас улсын төсөвт төвлөрүүлсэн зарлагаас давсан орлого /сая төгрөгөөр/

Аймгийн төсвийн орлогын 90.0 орчим хувийг татварын орлого, үлдэх хувийг татварын бус орлого, хөрөнгө орлого бүрдүүлдэг ба төсвийн зарлагын хувьд урсгал зардал 60.0 гаруй хувь, хөрөнгийн зардал 40.0 орчим хувийг эзэлдэг.

Зураг 2. Дорноговь аймгийн 2010-2011 оны төсвийн орлого /сая төгрөг/

 Зураг 3. Дорноговь аймгийн 2010-2011 оны төсвийн зарлага /сая төгрөг/ Төсвийн орлогын төлөвлөгөөг жил бүр сар улирлаар жигд ханган биелүүлж, улсын төсөвт төвлөрүүлэх төлөвлөгөөт орлогыг цаг хугацаанд нь төвлөрүүлж ажилладаг. Улсын төсөвт хүн амын орлогын албан татварын цалин хөлс, түүнтэй адилтгах орлогын албан татвар, аж ахуйн нэгжийн орлогын албан татвар, онцгой албан татвар, нэмэгдсэн өртгийн албан татвар, ашигт малтмалын нөөц ашигласны төлбөрийн орлогыг төвлөрүүлдэг.