Аймгийн орон нутгийн 2013 оны төсвийн төслийн танилцуулга

Монгол Улсын 2013 оны төсвийн тухай хууль Улсын Их Хурлын 2012 оны 11 дүгээр сарын 8-ны өдрийн нэгдсэн хуралдаанаар батлагсан.
Монгол Улсын 2013 оны төсөв нь Төсвийн тухай хууль, Төсвийн тогтвортой байдлын тухай хуулиудын удирдлага, зарчим, төв орон нутгийн төсвийн харилцааны шинэчлэлтийг бүрэн тусгаж, хуулиар тогтоосон тусгай шаардлагад нийцэж боловсруулагдсанаараа онцлогтой юм.

Аймгийн санхүү, төрийн сангийн хэлтсийн түүхэн замнал

Санхүү хэлтсийн хамт олон 1967 он. Арын эгнээний
зүүн гараас: Даатгалын байцаагч Ч.Рэгзэн,
Орлогын байцаагч Б.Дашбилэг, Даатгалын тасгийн дарга Д.Лхүндэв,
Байцаагч нягтлан бодогч Б.Догмид. Урд эгнээний зүүн гараас
Хэлтсийн дарга Ш.Маналжав, Ерөнхий нягтлан бодогч Ч.Жаргал,
Байцаагч нягтлан бодогч З.Дорждэрэм,
Бүртгэлийн мэргэжилтэн Д.Доржготов

Дорноговь аймаг нь хуучнаар Сэцэн хан аймгийн Говь мэргэн вангийн хошуунд харъяалгадаж байсан. 1931 оны 05 дугаар сарын 20-ны өдрөөс 23-ны өдрүүдэд одоогийн Алтанширээ сумын Сайн-Усны баруун дэнж дээр хуралдсан аймгийн Ардын төлөөлөгчдийн анхдугаар их хурлаар Дорноговь аймгийг байгуулах тухай асуудал хэлэлцэж аймаг байгуулах түр хороог татан буулгаж аймгийн яамдыг байгуулснаар Монгол орны минь зүүн өмнөд хэсэгт Дорноговь аймаг байгуулагдсан юм. Аймаг анх байгуулагдахад 23 сум, 415 хорин, 8300 өрх, 26,5 мянган хүн амтай, 160,7 мянган километр нутагтай, 808,2 мянган малтай байсан байна. Аймгийн яамыг Ерөнхий, Цэргийн, Мал тариалангийн, Санхүүгийн гэсэн дөрвөн хэлтэст хувааж үйл ажиллагааг нь зохион байгуулснаар Санхүүгийн алба үүсч хөгжих эхлэл тавигдсан юм. Аймгийн яаманд Санхүүгийн хэлтэс, алба бий болсноор хамт олон бүрдэж ам бүл өргөжин тэлсээр өдгөө 80 насны босгыг алхлаа.

Төсөв санхүү

Дорноговь аймаг орон нутгийн төсвийн хувьд 2003 оноос бие даан өөрөө өөрийгөө санхүүжүүлж ирсэн ба төсвийн зарлагаас давсан орлогоо улсын төсөвт төвлөрүүдэг цөөхөн аймгийн нэг юм. Тус аймаг 2004 онд 111.7 сая төг, 2005 онд 209.6 сая төг, 2006 онд 445.8 сая төг, 2007 онд 668.5 сая төг, 2008 онд 1412.4 сая төг, 2009 онд 3779.9 2010 онд 3300.6 сая төг , 2011 онд 2546.1 сая төгрөгийн зарлагаас давсан орлогыг улсын төсөвт төвлөрүүлжээ.