Monday, November 12, 2012

Сайншанд дахь ирээдүйн бүтээн байгуулалттай танилцлаа


Ардчилсан намаас сар бүрийн эх­ний долоо хо­ногийн пүрэв гарагт зохион байгуулдаг “Сэтгүүчидтэй уул­­зах цаг 4:11” уулзалт Дорно­­говь аймгийн Сайн­шанд суманд боллоо.
Энэ удаагийн уулзалт нь Орон нутгийн сонгуулийн сур­талчилгаа эхэлсэнтэй хол­­­богдуулан хөдөө орон ну­тагт зохион байгуулж буй хоёр дахь уулзалт гэдгээрээ онцлог байв. Уулзалтыг өмнө нь Завхан аймагт зохиож, хэвлэл мэдээллийнхэн хан­гай нутгийн бүтээн бай­гуу­лалттай танилцаж байсан билээ. Харин энэ удаад говь нутгийн сүр жавхланг би­ширч, Сайншанд сумын бүтээн байгуулалттай та­нилцаж яваад ирлээ. 

Дорноговь аймгийг Го­вийн догшин ноён хутагт Данзанравжаагийн өлгий ну­таг гэдгээр нь андахгүй. Миний хувьд энэ нутагт анх хөл тавьсан. Сайншанд суманд өнгөрсөн дөрвөн жилд багагүй ажил ам­жуул­сан гэдэг гэр хорооллын гудамжны гэ­рэлтүүлэг, цэ­вэр орчноос илэрхий байв. Тус хотынхон өнгөрсөн дөр­вөн жилд АН-ыг сонгон итгэл хүлээлгэж, олон ажил хийлгэсэндээ сэт­гэл хан­га­луун байна.

Тухайлбал, өнгөрсөн дөр­­вөн жилийн хугацаанд су­­мын дөрөвдүгээр багийн нутагт орших “Сайншанд-80” цогцолборыг баатар Дан­зан­­ваанчигийн хөшөө­ний дэр­гэд байгуулж, хүү­хэд, хөгш­­дийн амрах, зу­гаа­лах таатай орчинг бүр­дүүлжээ. Мөн төв доторх хатуу ху­чилт­тай замыг ши­нэчилж, түүний дагуу гэрэл­түүлэг тавьсан байна.

Түүнчлэн Сайншанд су­­мын иргэд дунд оврын авто­­бусаар зорчдог болжээ. Нутгийн удирдлагууд ир­гэ­дийнхээ тав тухтай байд­лыг бий болгож, тохилог авто­­бусаар ахмад настан, хөгж­лийн бэрхшээлтэй ир­гэд үнэгүй, оюутнуудад 150, энгийн иргэдэд 300 төг­рөгөөр үйлчлүүлж бай­в.

Мөн Монголын энергийн төв гэгддэг Хамрын хийд рүү хатуу хучилттай зам тавьж байгаа аж. Энэ мэт­чилэн нүдэнд үзэгдэж, гарт баригдахуйц олон ажил хий­сэн байв.

“Ардчилсан засгаараа дэмжүүлье, аймаг сумдаа үйлдвэржүүлье” гэсэн уриатай оролцож байна

“Сэтгүүлчидтэй уулзах цаг 4:11” уулзалтыг тус аймгийн АН-ын удирд­лагууд хүндэтгэлийн “Соём­бо цогцолбор”-ын заа­ланд хийсэн юм. Энэ цог­цолбор ашиглалтад ороод долоохон хонож буй аж.

Энэ цогцолборт хурим найр, то­моохон хэмжээний уулзалт гээд иргэддээ чиг­лэсэн ар­га хэмжээнүүдийг зо­хион байгуулж байхаар бос­­­го­жээ.

Хүндэтгэлийн өр­­гөө­ний дотоод зохион бай­­­гуулалт нь үнэхээр сэт­­­гэл хө­­дөлгөм болжээ. Сэт­­­­гүүл­чид хүндэтгэлийн өр­­гөө­ний тэргүүн сандалд тухлан, зу­раг та­­­туулж, энэ удаагийн уул­залтаа батал­гаа­­жуулсан юм. Ёстой л орчин үеийн хааны өргөө гээд хэлчихмээр дүр зураг буусан шүү.

Ингээд АН-ынхны “Сэт­гүүл­чидтэй уулзах цаг 4:11” уулзалт эхэллээ. Уулзалтад АН-ын Ерөнхий нарийн бичгийн дарга Ц.Оюундарь, Дорноговь аймгийн Засаг дарга, аймгийн АН-ын дарга П.Ганхуяг, аймгийн орлогч дарга, аймгийн АН-ын дэд дарга Ж.Галбадрах нар бо­лон бусад албаны хүмүүс, хэвлэл мэдээллийнхэн оролцлоо.

Уулзалтын зорилго нь Дорноговь аймагт АН-ын зүгээс хийж хэрэгжүүлэх мө­рийн хөтөлбөр, бүтээн бай­гуулалтын ажлаа та­нил­цуулахад оршиж байлаа. Дорноговь аймгийн АН-ын­хан орон нутгийн сон­гуульд “Ардчилсан засгаараа дэм­жүүлье, аймаг сумдаа үйлд­вэржүүлье” гэсэн уриатай орол­цож байгаа бөгөөд сон­гуульд 14 сумын нийт тойр­гийн хороодод 300 нэр дэвшигч өрсөлдөж байгаа юм байна.

Монгол Улсын Ерөн­хий­лөгч Ц.Элбэгдорж тус аймгийн иргэдтэй уулзахдаа “Дорноговь аймаг хөгжлийн алтан байршилтай” гэж хэл­­сэн байдаг. Тиймдээ ч айм­гийн АН-ынхан ирэх дөр­вөн жилд Хамрын хийд, Хүслийн уул зэргийг тү­шиглэсэн аялал жуулчлал, үйлдвэржилтийн бодлогод тулгуурлан нутгийн иргэ­дээс саналыг нь сонсож “Ши­нэ Дорноговь-2” тогтвор­той хөгж­­лийн хөтөлбөрийг бо­ловсруулсан байна. 

Уулзалтын үеэр Аймгийн Засаг дарга П.Ганхуяг “Өн­гөрсөн дөрвөн жил бодлогоо тодорхойлсон жилүүд бай­сан” гэдгийг онцолж байв. Засгийн газрын мөрийн хө­төлбөрт Сайншандын аж үйлдвэрийн цогцолборыг ба­­­рих талаар тусгасан. Энэ хүрээнд аймгийн удирд­лагууд аж үйлдвэрийн цог­цолборыг барихаар су­далгаа шинжилгээний шатанд ажил­­лаж байгаа гэнэ. Уг цог­­цолборын хүрээнд таван том үйлдвэр барьж түүнийг дагалдан 50 жижиг үйлдвэр баригдах ажээ. Орон нут­гийн сонгуульд АН ялалт байгуулчихвал энэ төслийг урагшлуулахын төлөө ажил­лах гэнэ.

Өнгөрсөн дөрвөн жилд Сайншандын аж үйлдвэрийн цогцолбор, өмнөд бүсийн тө­мөр замыг барьж бай­гуу­лахтай холбогдуулаад орон нутагт бэлтгэл хангах ажлыг нэлээд хийсэн юм байна.

Мөн улсын хэмжээнд Улаан­баатар төмөр замын кол­­­лежийн дараа орох ху­вийн хөрөнгө оруулалттай Тө­мөр замын коллежийг бай­гуулжээ. Коллежийг жилд 200 хүн төгсдөг бө­гөөд ажлын байрны хувьд хү­­рэлцээтэй байдаг гэнэ. Аймгийн ИТХ-аас жи­жиг, дунд үйлдвэрийг дэм­жих талаар олон ажил хийс­­ний үр дүнд цэвэр ус үйлд­вэр­лэдэг гурван компани бай­гуулагдсан байна.

Хийморио сэргээж, хүслээ даатгаад ирлээ

Су­мын хөг­жил дэв­шил­­тэй та­нил­цаад үдээс хойш Мон­голын энер­гийн төв гэгддэг хамрын хийд, Хүс­лийн уулыг зорив. Дорноговь аймагт оччихоод энергийн төвд очихыг хү­сэхгүй хүн гэж үгүй л болов уу.

Хүслийн ууланд очиж өөрс­дийн юу хүссэнээ шив­нэж залбираад буухад нар шин­гэж байв. Тиймээс ч хам­рын хийдэд очих эсэх та­лаар нэлээд ярилцлаа. Учир нь оройн 21:00 цагийн галт тэргээр хот руу буцах тул амжихгүй юм шиг са­нагд­сан. Гэтэл нэгэнт Сайн­шандад ирчихээд Хамрын хийдийг харанхуй ч гэсэн очиж үзье гэсэн шийдвэрийг гар­­гаад зорьцгоов. Нутгийн иргэдийн хэлж буйгаар хүс­сэн хүн бүхэн тэр ариун га­зарт очиж чаддаггүй гэнэ.

Ийн­хүү бид харанхуй шө­нө энергийн төвд оччихоод хий­морио сэргээж, ажлаа бү­тээж, хүслээ даатгаад буцсан юм.

No comments:

Post a Comment

Ангилал

2013 4-11 clip tv Ажлын амжилт-2012 Айраг сум Алтанширээ сум Ашигт малтмал Байгалийн баялаг баримт бичиг Бизнесийн байгууллагууд Боловсрол Гадаад хамтын ажиллагаа Газар тариалан Газрын зураг Геологи- уул уурхайн салбар Даланжаргалан сум Дорноговь аймаг Дорноговь аймаг - ИТХ Дорноговь аймгийн ЗДТГ Дэд бүтэц Дэлгэрэх сум Замын-Үүд сум Зарлал Засаг даргын захирамжууд Зураг Иххэт сум лого Мал аж ахуй Мандах сум Музей мэдээ Наадам Нийгмийн хөгжлийн хэлтэс Нутгийн удирдлага Олон нийттэй харилцах алба Онцгой байдлын хэлтэс Өргөн сум Прокурорын газар Сайншанд сум Сайхандулаан сум Санхүү төрийн сангийн хэлтэс Саран хөхөө Саран Хөхөө театр Соёл СОЁМБО цогцолбор Спорт Судалгаа шинжилгээ - бүтээл сум Тайлан Танилцуулга Тендер Төлөвлөгөө Төрийн захиргаа Төсөв санхүү Төсөл удирдлагын хэлтэс Улаанбадрах сум үйлчилгээний байгууллагууд Хатанбулаг сум Хөвсгөл сум Хөгжлийн бодлогын хэлтэс Хөдөө аж ахуй Хөтөлбөрүүд Худалдаа Хууль зүйн хэлтэс Хэлтсүүд Хяналт шинжилгээ үнэлгээний тасаг Цэргийн штаб Шагнал Шалгалт ШШГА Эрдэнэ сум Ярилцлага