Тендер зохион байгуулсан мэдээлэл

Бараа, ажил, үйлчилгээ худалдан авах ажиллагааг зохион байгуулах үнэлгээний хороо бүрт  аймгийн Үйлдвэрчний эвлэлүүдийн холбоо,  Хэрэглэгчдийн эрх ашгийг хамгаалах нийгэмлэг, Ахмадын холбоо, Ажил олгогч эздийн холбоо, “Монгол-Овог” ТББ, Монголын СӨХ-ний салбар зөвлөл, Малын индексжүүлсэн даатгал төсөл  зэрэг төрийн бус байгууллага, иргэний нийгмийн төлөөллүүдээс  тогтмол оролцуулж хэвшсэн.
Мөн Монгол улсын төсвийн тухай хуулиар батлагдсан  болон салбар яамдын сайдаас эрх шилжиж ирсэн 26, аймгийн ИТХ-аар батлагдсан 45 хөрөнгө оруулалтын ажлуудыг нэгтгэн аймгийн Засаг даргаар батлуулж Сангийн яамны Худалдан авах ажиллагааны газар болон Шударга өрсөлдөөн хэрэглэгчийн төлөө газарт аймгийн Засаг даргын албан бичгээр  хүргүүлсэн. Мөн www.dornogobi.gov.mn болон  Санхүү, төрийн сангийн хэлтсийн www.dornogobi-stsan.blogspot.com зэрэг цахим хуудсуудад хөрөнгө оруулалтын төлөвлөгөөг нийтлэн ил тод байдлыг хангаж ажилласан.

Аймгийн төсвийн ерөнхийлөн захирагчийн 2012 онд бараа, ажил үйлчилгээ худалдан авах ерөнхий төлөвлөгөөгөөр батлагдсан нийт 34 бараа, ажлуудын тендерийн урилгыг хуулийн дагуу өдөр тутмын хэвлэлүүд болох “Зууны мэдээ” сонин болон Засгийн газрын худалдан авах ажиллагааны www.e-procurement.mn/ цахим сүлжээнд 2012 оны 01 дүгээр сарын 20-ны өдрөөс эхлэн зарлаж, гүйцэтгэгч сонгон шалгаруулах ажиллагааны нээлттэй ил тод байдлыг хангаж ажилласан.
Улсын төсвөөс санхүүжигдэх салбар яамдаас эрх шилжиж ирсэн 26 ажил болон орон нутгийн хөрөнгө оруулалтад батлагдсан 45 худалдан авах ажиллагааг чанартай, хугацаанд нь зохион байгуулж, орон нутгийн чанартай 15  худалдан авах ажиллагааг зохион байгуулах эрхийг сумдад шилжүүлэн ажилласан.  Аймгийн Иргэдийн Төлөөлөгчдийн Хуралдаанаар батлагдсан төсөл хөтөлбөрийн зардлаас аймгийн Иргэдийн төлөөлөгчдийн хурлын төлөөлөгчид болон сумдын Засаг дарга нарын хүсэлтээр  32 нэр төрлийн төслийг төсөл хөтөлбөрийн зардлаас шийдвэрлэж худалдан авах ажиллагааг зохион байгуулах эрхийг сумд, байгууллагуудад нь шилжүүлж хяналт тавин ажиллаж байна. Мөн 2012 оны болон 2013 оны орон нутгийн төсвийн хөрөнгө оруулалтаар хийгдэх барилга угсралт, автозам, инженерийн шугам сүлжээний зэрэг 14 ажлын зураг төсөв боловсруулах ажлын худалдан авах ажиллагааг зохион байгуулан гэрээний дагуу зураг төсвийг хүлээн авсан.