Шинэ зам, шинэ хаалга нээлтээ хийжээ

Азийн хөгжлийн банкны “Бүс нутгийн авто зам хөгжүүлэх төсөл”-ийн хүрээнд Дорноговь аймгийн нутаг дэвсгэр дэх төмөр замын 35-р зөрлөгөөс Эрдэнэ сумын 18-р худаг хүртэлх 133,502 км авто замын нээлийн ажилллагаа болсон байна. Шинээр тавигдсан авто замын ажлыг БНХАУ-ын Чайна Жео Инженеринг корпораци 6 жилийн хугацаанд нийт 24 сая долларын хөрөнгө оруулалтаар хийж гүйцэтгэжээ. Мөн энэ үеэр Дорноговь аймаг байгуулагдсаны 80 жилийн ойд зориулан босгосон “Дорноговь” хүндэтгэлийн хаалганы нээлт давхар болсон аж.

Мэргэжлийн хяналтын нэрийг барьж, залилжээ

МХГ-ын нэрийг барьж залилан хийсэн хэрэг Дорноговь аймагт гарчээ. Худалдаа үйлчилгээний газруудаар “Мэргэжлийн хяналтын газраас явж байна. Бараа бүтээгдэхүүний дээжээс шинжилгээ авч байгаа” гэж хэлээд лаазалсан бүтээгдэхүүн болон бусад бүтээгдэхүүнүүдээс авч явсан байна. Энэ нь зөвхөн худалдаа үйлчилгээний газраар бус төмөр замын вокзалын орчимд хоол хийж зардаг иргэдээс хүртэл мөнгө аваад амжсан аж. Иймэрхүү хэрэг дахин давтагдахгүй байх үүднээс уг байгууллагын байцаагчид бүрэн бүрэлдэхүүнээрээ хяналт шалгалтыг зохион байгуулжээ. Ингэснээр албан ёсны байцаагч ямар бичиг баримттай байж хяналт шалгалт хийх ёстой талаар иргэдэд таниулаад зогсохгүй давхар бараа бүтээгдэхүүний хадгалалт аюулгүй хүнсний худалдааг шалгасан аж.

Х.Эрдэнээ /Дорноговь/

Төсөл амжилттай хэрэгжиж байна

Дорноговь аймгийн Өргөн суманд өнгөрсөн сарын сүүлээр цөлжилтийг бууруулах газрын менежментийн төслийн туршлага солилцох арга хэмжээ болжээ. Уг төсөл Төв, Өвөрхангай, Дорноговь, Сүхбаатар аймгийн цөлжилт, газрын доройтолд ихээр өртөж буй 13 суманд хэрэгжиж байгаа аж. Мөн бүс нутгийн тодорхой газар нутагт цөлжилттэй газрын доройтлыг бууруулах, нутгийн иргэдийг түшиглэсэн байгалийн нөөцийн менежментийн санаачлагыг дэмжих, энэ талаарх орон нутгийн удирдлага, малчдын чадавхийг дээшлүүлэх, хамтын шийдвэр гаргах аргыг хэрэгжүүлэхэд дэмжлэг үзүүлсэн байна. Дорноговь аймагт 2008 оноос эхлэн хэрэгжиж эхэлсэн тус төслийн хүрээнд газар тариалан өрхийн үйлдвэрлэл хөдөө аж ахуйн чиглэлээр олон арга хэмжээ авч хэрэгжүүлсэн байна. Төслийн хүрээнд Өргөн суманд идэвхтэй үйл ажиллагаа явуулдаг “Өлзийбуян”, болон “Баянтал” зэрэг бүлгийн 5-6 өрх сүүн бүтээгдэхүүн боловсруулах, фермерийн аж ахуй эрхлэх газар тариалан эрхлэн амжилттай яваа гэнэ.

Сургалтын түвшний үнэлгээ 82 хувьтай үнэлэгдсэн

Д.Шинэжаргал

Хичээлийн шинэ жил эхэлж байгаатай холбогдуулан Дорноговь аймгийн Сайншанд сумын хамгийн отгон цэцэрлэг болох IX цэцэрлэгийн эрхлэгч Д.Шинэжаргалаас тодруулга ярилцлага авлаа.

-Анги дүүргэлт ямар хэмжээнд байна?
-Нэг ангид 40 хүүхдийн бүртгэлтэй. Өдөр тутмын ирц 35 хүүхдийн бүртгэлтэй байдаг. Манайх сумын хэмжээнд яслийн бүлэг ажиллуулдаг. Нийт 150 хүүхдийн багтаамжтай хэдий ч энэ тоо хэтэрч одоогийн байдлаар 210 хүүхэд хүлээн авсан байна. Ер нь бол цэцэрлэг болгоны даац тухайн нөхцөл байдлаас шалтгаалж хэтрэх тохиолдол нийтлэг.

Улсын начин Ч.Баянмөнх түрүүлэв

Дорноговь аймгийн Замын-Үүд сум нь өмнө Эрдэнэ сумын 5-р баг байсан бөгөөд 1994 онд Засгийн газрын 34-р тогтоолоор Замын-Үүд сум болон батлагдсан түүхтэй. 2012 оны 1-р сараас хотын зэрэглэлтэй болон хөгжиж байна. Уг сум байгуулагдсан 18 жилийн ой 2012 оны 8-р сарын 11, 12-ны өдрүүдэд өргөн дэлгэр болж өндөрлөв. Хурдан морьдын 6 насны уралдаанд 500 гаруй хүлэг тоосоо өргөсөн бол үндэсний шагайн харваанд 7 баг, сур харваанд 50 гаруй эрхий мэргэн харваач цэц мэргэнээ сорьж, хүчит 256 бөх зодоглолоо.

Болзолт уралдаан зарлажээ

Дорноговь аймгийн Сайншанд сумын өвөлжилтийн бэлтгэлийг хангахад малчдын санаачлгыг дэмжих, туршлага судлах үүднээс 8 дугаар сарын 25-аас эхлэн сарын туршид малчдын дунд болзолт уралдаан зарлажээ. Уралдаанд Сайншанд сумын малчин, мал бүхий өрх хамрагдах бөгөөд шалгуур үзүүлэлтэд өвсийг гар аргаар хадаж таван тонн ба түүнээс дээш хэмжээгээр бэлтгэсэн байх, преслэсэн өвс дээд тал нь 500 боодол худалдаж авсан байх зэргээр шалгаруулалтын комисс малчин, мал бүхий өрхүүдээр тойрогоор явж уралдааныг дүгнэх гэнэ. Эцсийн дүнг 9дүгээр сарын 25-нд хэлэлцэн манлайлагчийг тодруулж, шүагнаж урамшуулах гэнэ. I байрт 200.000 төгрөг, II байрт 150.000 төгрөг, III байр эзэлсэн малчинг 100.000 төгрөгөөр шагнаж урамшуулахаар тусгасан байна. 

Х.Эрдэнэ / Дорноговь /

Дорноговь аймгийг үйлдвэржүүлэх дэд хөтөлбөр /2012-2016/

Дорноговь аймгийг үйлдвэржүүлэх дэд хөтөлбөр /2012-2016/